Ang Gemini Wind Energy Corp. (GWEC) nagpagawas og pahayag aron klarohon ug tubagon ang mga pahayag nga may kalabotan sa Calbayog Pan-as Hayiban Protected Landscape (CPHPL). Nagpasalamat kami sa tanang stakeholders, lakip ang media, mga environmental advocates, ug mga lungsuranon, sa ilang interes sa pagseguro nga ang pag-uswag sa renewable energy projects magpabilin nga uyon sa kalikupan ug malungtarong pagdumala.
Ang among tumong mao ang paghatag og sakto nga impormasyon, ug pagpasalig nga ang proyekto gasunod sa mga balaod, polisiya, ug siyentipikong prinsipyo nga nagdumala sa renewable energy ug protected areas.
- Ang Republic Act No. 11038, o ang Expanded National Integrated Protected Areas System (E-NIPAS) Act of 2018, klarong nag-ila sa prinsipyo sa multiple-use management sulod sa protected areas. Gitugotan niini ang mga environmentally sound nga renewable energy projects sulod sa Multiple-Use Zones (MUZ), basta ipailawom sa hugot nga review, magbuhat ug Environmental Impact Assessment (EIA) nga muresulta sa pag-isyu sa Environmental Compliance Certificate (ECC), ug pagtugot gikan sa Protected Area Management Board (PAMB). Busa, sayop ang interpretasyon nga ang balaod nagdili sa tanang kalihokan sa sulod sa protected area.
- Ang Republic Act No. 9513, o ang Renewable Energy Act of 2008, kauban ang Philippine Energy Plan ug Ambisyon Natin 2040, nagmando sa nasud nga molihok padulong sa mas limpyo, mas segurong kaugmaon sa enerhiya.
Sa 2030, ang Pilipinas nagtumong nga makab-ot ang 35 porsyento sa tibuok nga produksyon sa kuryente gikan sa renewable energy sources. Kini nga polisiya kaangay sa UN Sustainable Development Goal 7 (“SDG 7, Affordable and Clean Energy”) ug ubos sa UN 2030 Agenda ug sa 2015 Paris Agreement, nga nanawagan sa paspas nga pagpahimutang sa renewable energy aron malikayan ang climate change. Ang wind energy, isip usa ka renewable ug sustainable nga pamaagi, direkta nga nagpalig-on sa mga pasalig alang sa kalikupan, kauswagan ug malungtarong kaugmaon.
- Supak sa nagkalat nga sayop nga impormasyon, walay wind turbine o parte sa proyekto nga nahimutang sulod sa Strict Protection Zone (SPZ) sa CPHPL. Ang tanang giplanong instalasyon naa ra sulod sa MUZ, subay sa zoning nga gi-aprobahan sa PAMB ug gipamatud-an pinaagi sa geospatial analysis. Diri sa MUZ gitugotan ang mga kalihokan nga uyon sa mga tumong sa konserbasyon. Ang CPHPL adunay total nga 5,067.93 ektarya, diin 1,926.94 ektarya ang MUZ. Sa MUZ, ang GWEC nag-apply og SAPA sa 139.27 ektarya, ug 24 ektarya ra ang gamiton para sa wind project. Kini 0.48% ra sa tibuok nga CPHPL.
- Ang PAMB usa ka multi-sectoral nga grupo nga adunay mga miyembro nga representante gikan sa lokal nga panggobyernohan, nasyonal nga mga ahensya sa gobyerno, civil society organizations, ug pribado nga sektor. Ang PAMB naglihok pinaagi sa transparent ug participatory nga proseso, nga ang mga desisyon kolektibo nga ginabuhat sa mga miyembro, dili sa usar a ka tawo, pinaagi sa mga konsultasyon, technical working groups (TWG) review, ug mga Information, Education and Communication (IEC) activities. Ang mga resolusyon ug aksyon gideliberar ug gikasabutan sa board, ug gi-aprobahan sa DENR Regional Executive Director, nga mao ang PAMB Chairperson. Kini nga istruktura nagpalig-on sa pagka may tulubagon, pag-apil sa tanan, ug panag-ambit sa responsibilidad sa pagdumala sa protected area.
- Base sa siyentipikong pagtuon, ang wind energy systems dili mogamit, dili mobalhin, o makakontaminar sa gikuhaan sa tubig. Ang kalidad ug kadaghan sa tubig sa Calbayog watershed magpabilin nga dili maapektuhan tungod kay ang mga turbina wala maggamit og magsunog, paggawas o paglabay og hugaw nga tubig. Sa kamatuuran, pinaagi sa pag-ilis sa fossil fuel generation, makapakunhod kini sa greenhouse gas emissions nga makadaot sa watershed ecosystems.
- Ang pangunang hinungdan sa climate change ug pagkawala sa biodiversity mao ang pagsunog sa fossil fuels. Ang mga renewable energy projects sama sa Gemini Wind Power Project importante aron mapakunhod ang carbon emissions, maminus ang air pollution, ug maprotektahan ang ecosystems para sa umaabot nga henerasyon. Ang pagbalhin padulong sa clean energy usa ka moral ug siyentipikong obligasyon, dili usa ka hulga sa ekolohiya.
Ang GWEC buot ipadayag usab ang among pagkamatinumanon sa sustenable nga pag-uswag samtang gasunod sa mga konsiderasyon para sa kalibungan sama sa pagprotekta sa biodiversity, pagmentenar sa ecosystem services, ug sustenable nga pagdumala sa mga natural resources. Padayon kami nga musunod sa tanan nga regulasyon sa Republika sa Pilipinas, ug andam kami nga magpadayon sa mga dayalogo ug makigtrabaho sa mga stakeholders alang sa kaayohan sa tanan.
